各位朋友，廣東話現正面臨著一場很大的危機。自從中國大陸推行「推廣普通話」政策以來，廣東、廣西及海南等粵方言地區愈來愈少新一代人會講一口流利的廣東 話（海外華人、廣西及海南稱為白話）。甚至乎有部份廣東家長對子女只講國語，認為廣東話已經不重要了，故教育得子女完全不像一個廣東人，因此很多廣東青年 現在講的廣 東話五音不全，錯音百出，經常參雜國語詞彙、用語。另外，廣西及海南人亦有大量新一代不會廣東話了，這都是由於政府在公眾場合禁止講廣東話所造成的。
在海外華人社區，此情況亦十分之普遍。美、加、澳、紐、星加坡及馬來西亞等地的華人，多受中國大陸新一批移民的影響，已經有很多新一代的人不會講廣東話 （白話、粵語）了，連電視節目等，亦只有少數是廣東話節目，可見廣東話的地位正在日益衰落。
其實港澳的情況也不算是特別的好，因為有些人是從海外回來的，他們甚至不會講廣東話；另外有些家長，犯了一個很大的錯，扮得懶「高級」（究竟有甚麼這麼高 級？），只跟子女講英文，搞到子女像個「鬼仔、鬼妹」（外國人），好升上香港要求苛刻的英文名校。他們唯有出到社會才與廣東話接觸，學習到一大堆懶音，無 形之間在滅絕廣東話。 而回歸後，某些人仕打著「國民教育」的旗號，推行用國語教中文，此舉實在荒謬。香港乃特別行政區，高度自治，自己有自己的官方語言，連社會語言都是廣東 話，為何要用一個非母語的語言來教國文呢？那些人仕稱因為廣東話不是「我手寫我口」，用粵語教中文會導致學生經常將口語文字寫到書面上，所以就要用國語教 中文云云，這裏我有一個疑問了：港澳用廣東話教中文那麼多年了，為何上一輩、上幾輩的人就不怕？很多香港人、澳門人不是也很有文學根底嗎？這是在否定我們 的學者、文人嗎？不用母語教國文，有沒有想過後果會怎麼樣？現在，有些學校還標榜用國語教中文，我想問問為甚麼？難道古人使用國語寫詩的嗎？為甚麼一直以 來不推行現在才推行？以前的教育都是錯的嗎？有些曾經受過廣東話教中文的家長竟然挺身支持此舉！這些家長竟然認為用國語學習就是培養情操、提升修養。唉， 可憐的粵語，現在連自己的人也拋棄了。
廣 東話連自己人也不會去重視，地位會愈來愈卑微。為甚麼我們與講國語的人仕講話時要遷就他們去講國語，而不是他們遷就我們？自由行訪港，為何他們不學聽廣東 話或者聽英文？我們去日本不是也會學習一兩句日文嗎？「入鄉隨俗」這一規則，對於自由行的同胞們，是行不通的。這都是因為連我們有些講廣東話的人都覺得廣 東話很沒地位，所以就不堅持。我幾乎有一種衝動，就是想將廣東話申請為世界非物質文化遺產，不過我心知，沒有甚麼人會支持，更何況評審的外國人們，他們不 一定會明白。
我們的當務之急，就是要拯救這個廣東話，在廣東籍的人心目中重新建立起廣東話的地位，令他們覺得因自己講廣東話而自豪。而且，我們應 該像國語、英文那樣，去提升廣東話在世界上的影響力，讓世界各地的人都可以學習廣東話，譬如歐美人仕，他們來到港澳、廣東、中國大陸或是其他華人社區，可 以考慮一下學習廣東話。很多人認為，廣東話的發音系統更為優美，抑揚頓挫，語氣溫柔，而且讀字比國語更加適合拉丁語系為母語的人學習。另外，我要澄清一下 給外國人仕聽，廣東話與國語是不可以直接溝通的，所以廣東話可以算作一門獨立的語言，不過亦屬於漢藏語系，它也是使用漢字書寫系統，這一門語言不是某些受 政治影響的學說所講的「地方方言」（來源根據：維基百科）。
夏威夷語及毛里語在以前亦幾乎慘遭滅絕，當地政府不教他們的母語，外來語言又不斷在提升地位及使用率，令到懂 得自己母語的人少之又少，甚至乎多數懂得說的人都是老一輩的人。母語就好比一個人的根，不懂說自己的母語、不重視自己的母語，就好比不知道自己祖宗的姓 氏。在大陸，原本也有很多地方語言，不過由於政策的推行，逼使近幾代的人在生活上也不用母語，而使用國語，故這些地方的很多文化產物也失去了自己語言的色 彩。可見，母語使用率的流失，對自身文化的影響很大。
我是真心希望想見到廣東話重新成為一個有地位的語言。我希望各地政府（包括港澳、廣東、廣 西、星馬地區及其他有華人的地區）及社會各界可以重視及尊重廣東話，以廣東話為母語的人不要忘本，講其他語言的人也不要蓄意去詆毀廣東話以達成自己的目 的。我不想廣東話一直到淪落到如當初夏威夷語及毛里語的情況的時候，人們才懂得去珍惜，那個時候實在是太遲了。廣東話是我們嶺南文化的瑰寶，請不要再忘記 它、傷害它了！
各位朋友，廣東話而家喺度面臨𡁵一場好大嘅危機。自從中國大陸推行「推廣普通話」政策以嚟，廣東、廣西同海南呢啲粵方言地區愈來愈少新一代人會講到一口 流利嘅廣東 話（海外華人、廣西及海南叫做白話）。甚至乎有啲廣東家長對仔女淨係講國語，認為廣東話已經唔重要嘞，所以教育到仔女完全唔似一個廣東人，咁樣好多廣東後 生仔而家講嘅廣 東話五音不全，錯音百出，成日參雜國語詞彙、用語。重有，廣西同海南人都有大量新一代唔識廣東話喇，呢啲都係因為嗰度政府喺公眾場合唔畀講廣東話造成㗎。
喺海外華人社區，呢個情況都好普遍。美、加、澳、紐、星加坡同馬來西亞等地嘅華人，好多受中國大陸新一批移民嘅影響，已經有好多新一代嘅人唔識講廣東話 （白話、粵語），連電視節目呢啲嘢，都淨得少數係廣東話節目，可見廣東話嘅地位喺度日益衰落。
其實港澳嘅情況都唔算係特別好，因為有啲人係喺海外返嚟嘅，佢哋甚至唔識講廣東話；另外有啲家長，犯咗一個好大嘅錯，扮到懶「高級」咁（究竟有咩咁高 級？）淨係同仔子女講英文，搞到仔女成個「鬼仔、鬼妹」（外國人）噉，等佢哋易啲升上香港要求苛刻嘅英文名校。佢哋唯有出到社會先有得同廣東話接觸，學到 一大堆懶音，無 形之間喺度滅絕𡁵廣東話。 而回歸咗之後，有啲人打住「國民教育」嘅旗號，推行用國語教中文，呢樣嘢真係好荒謬。香港係特別行政區，高度自治，自己有自己嘅官方語言，連社會語言都係 廣東 話點解何要用一個非母語嘅語言嚟教國文呢？嗰啲人話因為廣東話唔係「我手寫我口」，用廣東話教中文會令到學生成日將口語文字寫喺書面度，所以就要用國語教 中文噉，呢度我有一個疑問嘞：港澳用廣東話教中文咁多年喇，點解上一輩、上幾輩嘅人就唔怕？好多香港人、澳門人唔係都好有文學根底咩？你哋喺度否定我哋嘅 學者、文人呀？唔用母語教國文，有冇諗過後果會點樣？而家，有啲學校重標榜用國語教中文，我想問下點解喎？唔通古人用國語寫詩㗎？點解咁耐唔推行而家先推 行？以前嘅教育都係錯㗎？有啲曾經受過廣東話教中文嘅家長竟然挺身支持呢件事！呢啲家長竟然認為用國語學習就係培養情操、提升修養嘅。唉， 可憐嘅粵語，而家連自己嘅人都拋棄喇。
廣 東話連自己人都唔會去重視，地位會愈嚟愈卑微。點解我哋同講國語嘅人講嘢嗰陣要遷就佢哋去講國語，而唔係佢哋遷就我哋？自由行訪港，點解佢哋唔學下聽廣東 話或者聽英文？我哋去日本唔係都會學一兩句日文嘅咩？「入鄉隨俗」呢個規則，對於自由行嘅同胞，係行唔通嘅。都係因為連我哋有啲講廣東話嘅人都覺得廣 東話好冇地位，所以就唔堅持嘞。我幾乎有一種衝動，就係想將廣東話申請做世界非物質文化遺產，不過我心知，冇乜人會支持，更何況評審嘅外國人，佢哋不唔一 定明。
我 哋嘅當務之急，就係要拯救呢個廣東話，喺廣東籍嘅人心目中重新建立起廣東話嘅地位，令佢哋覺得因自己講廣東話而自豪。而且，我哋應 該好似國語、英文噉樣，去提升廣東話喺世界上嘅影響力，等世界各地嘅人都可以學廣東話，好似啲歐美人仕，佢哋嚟到港澳、廣東、中國大陸或者其他華人社區， 可 以考慮下學廣東話。好多人認為，廣東話嘅發音系統更加優美，抑揚頓挫，語氣溫柔，而且讀字比起國語更加適合拉丁語系做母語嘅人學習。另外，我要澄清下畀啲 外國人聽，廣東話同國語係唔可以直接溝通嘅，所以廣東話可以算做一門獨立嘅語言，不過都係屬於漢藏語系，佢都係用漢字書寫系統，呢一門語言唔係一啲受 政治影響嘅學說所講嘅「地方方言」（來源根據：維基百科）。
夏威夷語同毛里語喺以前都幾乎慘遭滅絕，當地政府唔教佢哋嘅母語，外來語言又不斷噉喺度提升地位同使用率， 令到懂識得自己母語嘅人少之又少，甚至乎多數識得講嘅人都係老一輩嘅人。母語就好似一個人嘅根，唔識講自己嘅母語、唔重視自己嘅母語，就好似唔知道自己阿 爺姓乜。喺大陸，本身都有好多地方語言，不過由於政策嘅推行，逼使呢幾代嘅人喺生活上邊都唔用母語，而係用國語，所以呢啲地方嘅好多文化產物都失去咗自己 語言嘅色 彩。可見，母語使用率嘅流失，對自身文化嘅影好很大。
我係真心希望想見到廣東話重新成為一個有地位嘅語言。我希望各地政府（包括港澳、廣東、廣 西、星馬地區同其他有華人嘅地區）同社會各界可以視重同尊重廣東話，以廣東話做母語嘅人唔好忘本，講其他語言嘅人都唔好蓄意去詆毀廣東話以達成自己嘅目 的。我唔想廣東話一直到淪落到好似當初夏威夷語及毛里語嘅情況嘅時候，啲人先識得去珍惜，嗰個時候就真係太遲喇。廣東話係我哋嶺南文化嘅瑰寶，請唔好再忘 記 佢、傷害佢喇！
歡迎大家隨時光臨我哋呢個網站：廣東話推廣協會 (gmi.hostwq.net/canton/)，嚟發表一下你哋自己嘅意見。
歡迎大家隨時光臨我們這個網站：廣東話推廣協會 (gmi.hostwq.net/canton/)，來發表一下你們自己的意見。
Welcome to wisit our site: Cantonese Promoting Association (gmi.hostwq.net/canton/), share your opinions.