各位老師:
我是一名應屆的會考生, 在查字典時, 經常會有一個問題, 究竟那九個音標應該是怎讀的呢? 我仍體會不了那九音所代表的音,陽去, 陰上等等, 還真搞不清他們的分別。此外, 坊間有甚麼參考書, 或字典是最正確的呢?因為剛剛閱讀了一些有關某本字典的評價, 字典有的應是最正確的讀音, 開始搞不清那本字典,才是比較正規。如不嫌我多口問一句, 各位老師, 認為現今中學生對於哪些字的讀音是不正確, 或常有懶音的, 好讓後輩加以警惕。多謝各位。
唔係老師，區區淺見，既然你係會考生，你識嘅字肯定已經有齊呢九個音標，解釋，就容易好多。粤音九調，就係平上去各分陰陽，加陰陽中入聲。為方便起見，會用 1-3 表示陰平、陰上、陰去；4-6表示陽平、陽上、陽去；7-9表示陰入、中入、陽入。你有一個「字音」(例如是字，音就係si），配合唔同聲調，就會產生唔同嘅字。而根據一個音去搵出一個字嘅調，就係調聲。唔係所有音都可以用九聲嚟調，為簡單起見，喺度將平上去同入聲分開講： １２３４５６ 陰 陽 平上去平上去－－－－－－－－因→因忍印人引刃淹→淹掩厭炎染豔威→威毀畏唯偉胃是→詩史試時市是親→親診襯陳？？精→精整正？？靜分→分粉糞墳奮份應→英影應凝？認？＝有音無字
如果你有學音樂，不妨借用音樂上嘅一啲知識：do re mi fa so la 音中「陰平」（詩親精分…）大概係 "la"，「陰去」（印厭畏試…）就大概係 "fa"；「陽平」（人炎唯時…）就大概係 "do"；「陽去」（刃艷胃是…）就大概係 "mi"。「上聲」比較難解釋，但你應該知道有所謂「連音」，例如一個音可以由 "do" 拉去 "mi"。上聲就係呢種情況，陰上（忍掩毀史…）大概係由低拉去 "so"；陽上（引染偉市…）就係由低拉去 "fa"。至於「入聲」，陰入、中入、陽入，調值類同"la", "fa", "mi"，但係入聲出聲方法唔同。音樂上，如果每個字音係一拍，就即係兩個半拍。平上去，就係兩個半拍嘅音符，加埋成為一拍。但入聲，就係一個半拍音符，加一個半拍休止符。即係你發入聲時，後半拍要配合韻尾收結，頓一頓。 ７８９ 陰中陽 入入入－－－－－一：一？日色：色？食的：的？滴不：不？拔益：益？亦殺：？殺？醃：？醃葉諗唔到有個字同時有陰中陽入（其實有冇？），三者相對調值可以搵其他中入聲幫忙體驗，如一、吔（吔飯個吔，yuk8）、日。我相信，你記住個順序，用唔同嘅字讀多幾次，然後根據字典音對證，就唔難掌握。有字典將 7/8/9 以 1/3/6 表示，但問題係，咁就只能標「調」，代表唔到個「聲」（即上述半拍發聲、半拍休止），而且入聲係仄聲，唔係平聲，但 1 (陰平) 係平聲，結果就係你睇到標 1 聲你唔可以直接知道佢平仄。（上述例子係我隨便諗嘅，網上應該有更好嘅資源）
另外就係數字：由零至九 ，十個數字，已經包含晒九個聲調：
零：陽平 (4) 一：陰入 (7) 二：陽去 (6) 三：陰平 (1) 四：陰去 (3) 五：陽上 (5) 六：陽入 (9) 七：陰入 (7) 八：中入 (8) 九：陰上 (2) 所以三、九、四、零、五、二、七（或一）、八、六，就可以分別示範 1-9 聲嘅聲調。
哦...原來係咁....
多謝賜教